రంగస్థలం, చిత్రలహరి మధ్య లింక్ ఏంటి ?

లాజికల్ గా చూస్తే ఈ రెండు సినిమాల మధ్య ఎలాంటి సంబంధం లేదు. కాకపోతే ఒకే ప్రొడక్షన్ హౌజ్ నుంచి వస్తున్నాయంతే. అంతకుమించి ఎలాంటి లింక్ లేదు. కానీ ఇప్పుడు కొత్తగా మరో లింక్ జనరేట్ అయింది. పూర్తిగా రంగస్థలం తరహాలో, చిత్రలహరికి ప్రచారం చేయాలని నిర్ణయించారు. ఈ మేరకు యాక్షన్ ప్లాన్ కూడా రెడీ అయింది.

‘రంగస్థలం’ 10 రోజుల్లో రిలీజ్ అనగా సినిమాలోని పాత్రలను పరిచయం చేస్తూ ఒక వీడియో రిలీజ్ చేసారు మేకర్స్.. రంగస్థలం అనే ఊరు… అందులో పాత్రల పేర్లు.. ఆ పాత్రలు ఎవరు చేస్తున్నారు.. వారి గెటప్స్ సినిమాలో ఎలా ఉండబోతున్నాయనే విషయాలతో…ఓ కాన్సెప్ట్ టీజర్ రిలీజ్ చేశారు. అప్పట్లో ఆ టీజర్ సినిమాపై అంచనాల్ని అమాంతం పెంచేసింది. అందుకే ఇప్పుడు చిత్రలహరికి కూడా అదే ఫార్ములా ఫాలో అవుతున్నారు.