చిరు సరసన రామ్ చరణ్ కథానాయిక ?

మెగా స్టార్ చిరంజీవి కొంత కలం గ్యాప్ తరువాత రి ఎంట్రీ ఇస్తున్న 150వ చిత్రం శరవేగంగా చిత్రీకరణ జరుపుకుంటోంది. మొదటి షెడ్యూల్ లో కీలక సన్నివేశాలతో పాటు కొన్ని కామెడీ సన్నివేశాలను కూడా
చిత్రీకరించిన యూనిట్ ప్రస్తుతం హైదరాబాద్ లో ఓ ప్రాంతం లో చిరు పై కొన్ని సన్నివేశాలను చిత్రీకరిస్తున్నారు. తమిళ చిత్రం ‘కత్తి’ సినిమాకు రీమేక్ గా తెరకెక్కుతున్న ఈ చిత్రానికి వి.వి.వినాయక్
దర్శకత్వం వహిస్తుండగా , రామ్ చరణ్ నిర్మిస్తున్నారు. ఈ చిత్రం లో ఇప్పటి వరకూ చిరు సరసన కథానాయిక ఫైనల్ అవ్వలేదు. ప్రారంభం లో నయనతార తో పాటు అనుష్క ను కూడా సంప్రదించారు
యూనిట్. డేట్స్ కాళీ లేకపోవడం ఈ సినిమాకు వారు నో చెప్పారని టాక్. ఇప్పుడు మరో కథానాయిక కూడా ఈ లిస్ట్ చేరింది. టాలీవుడ్ టాప్ కథానాయిక కాజల్ ను కూడా ఈ సినిమా కోసం సంప్రదించారట
యూనిట్. ఇక ఇందుకోసం ఈ ముంబై ముద్దుగుమ్మ 2 కోట్ల పైనే డిమాండ్ చేసిందట. మరీ అంతా అంటూ యూనిట్ మరో నాయిక ను వెతుకుతున్నారని సమాచారం. ఇక ఆగస్టు 22 న చిరు పుట్టిన రోజున ఈ
చిత్రానికి సంబంధించిన టైటిల్ తో పాటు ఫస్ట్ లుక్ ను విడుదల చెయ్యడానికి సన్నాహాలు చేస్తున్నారు.