#Acharya - వచ్చేదెప్పుడు?

ఈ ఏడాది రాబోయే మెగా సినిమా #Acharya కోసం ఎంతో ఆతృతగా ఎదురుచూస్తున్నారు ప్రేక్షకులు. సైరా తర్వాత చిన్న గ్యాప్ తో చిరు నుండి వస్తున్న సినిమా కావడం పైగా కొరటాల శివ డైరెక్షన్ లో రానున్న సినిమా అవ్వడంతో ఈ సినిమా కోసం మెగా ఫ్యాన్స్ తో పాటు అందరు వెయిట్ చేస్తున్నారు. ప్రస్తుతం సినిమాకు సంబంధించి ఫైనల్ షెడ్యుల్ బ్యాలెన్స్ ఉంది. ఆ షెడ్యుల్ లో చిరు , చరణ్ మిగతా నటీ నటులపై సన్నివేశాలు తీయాల్సి ఉంది.

తాజా సమాచారం ప్రకారం ఈ సినిమా దసరా బరిలో నిలవునుందని తెలుస్తుంది. ఇప్పటికే అక్టోబర్ రిలీజ్ అంటూ మేకర్స్ ఆ ప్లానింగ్ లో ఉన్నారని తెలుస్తుంది. నిజానికి కరోన సెకండ్ వేవ్ రాకపోయినట్టయితే సమ్మర్ లో సినిమా రిలీజ్ అయ్యేది. కానీ సమ్మర్ మిస్ అవ్వడంతో ఇప్పుడు దసరా సీజన్ లో ఈ భారీ సినిమాను భారీ థియేటర్స్ లో రిలీజ్ చేయాలనుకుంటున్నారట మేకర్స్.

‘ఆచార్య’లో కాజల్

ప్రస్తుతం తెలంగాణలో లాక్ డౌన్ లేదు కనుక అతి త్వరలోనే షూటింగ్ మొదలు పెట్టి జెట్ స్పీడులో ఫైనల్ షెడ్యుల్ పూర్తి చేయాలని అనుకుంటున్నారు. ఈ మేరకు కొరటాల అంతా రెడీ చేసుకుంటున్నారు. సోనూ సూద్ , కాజల్ తో పాటు మిగతా నటీ నటులు ఈ షెడ్యుల్ లో పాల్గొనాల్సి ఉంది. అందరి డేట్స్ కన్ఫర్మ్ చేసుకొని హైదరాబాద్ లో భారీ షెడ్యుల్ జరపనున్నారు. ఆ షెడ్యుల్ తో షూటింగ్ గుమ్మడి కాయ కొట్టేసి దసరా బరిలో నిలిపేందుకు సన్నాహాలు చేసుకుంటున్నారు. త్వరలోనే ఓ డేట్ ఫైనల్ చేసి అఫీషియల్ గా దసరా రిలీజ్ అని చెప్పే ఆలోచనలో ఉన్నారని సమాచారం.

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics