ఆది నుంచి ఫుల్ లెంగ్త్ కమర్షియల్ ఎంటర్ టైనర్

తెలుగు సినిమాలో కొత్త కథల ట్రెండ్ ఎప్పుడో మొదలైంది. కాకపోతే కొంతమంది హీరోలు మాత్రమే అలాంటివి ట్రై చేస్తున్నారు. ఇప్పుడు ఆది సాయికుమార్ కూడా కొత్తగా ట్రై చేశాడు. బుర్రకథ సినిమాలో ఆదిని సరికొత్తగా చూడొచ్చు. ఈరోజు రిలీజైన ఈ సినిమా టీజర్ చూస్తే మేటర్ మొత్తం అర్థమైపోతుంది.

బుర్రకథ సినిమాపై సస్పెన్స్ మెయింటైన్ చేయదలుచుకోలేదు మేకర్స్. టైటిల్ లోగోతోనే థీమ్ ఏంటనేది చెప్పేశారు. ఇక టీజర్ లో మేటర్ మొత్తం రివీల్ చేశారు. రెండు బ్రెయిన్స్ ఉన్న హీరో చేసిన అల్లరే ఈ బుర్రకథ. ఏ బ్రెయిన్ యాక్టివేట్ అయితే అలా ప్రవర్తిస్తుంటాడన్నమాట.

మాటల రచయిత డైమండ్ రత్నం ఈ సినిమాతో దర్శకుడిగా మారాడు. మిస్తీ చక్రవర్తి, నైరా షా హీరోయిన్లుగా నటించిన ఈ సినిమాలో ఆది తండ్రిపాత్రలో రాజేంద్రప్రసాద్ కనిపిస్తున్నాడు. టీజర్ ఎంటర్ టైనింగ్ గా ఉంది. మరీ ముఖ్యంగా క్యారెక్టర్లన్నీ కామెడీ పండించాయి. దీపాల ఆర్ట్స్ బ్యానర్ పై శ్రీకాంత్, కిషోర్ ఈ సినిమాను నిర్మించారు.