మరో హీరోయిన్ ను ఫిక్స్ చేసిన బన్నీ ?

సినిమాల విషయంలోనే కాదు… హీరోయిన్స్ విషయంలో కూడా బన్నీ చాలా కేర్ తీసుకుంటున్నాడు. తన సరసన నటించే హీరోయిన్ ఎవరనే అంశాన్ని బన్నీనే డిసైడ్ చేస్తున్నాడు. తాజాగా రెండు సినిమాలు ఎనౌన్స్ చేసిన అల్లువారబ్బాయ్… ఇప్పటికే ఓ సినిమాలో హీరోయిన్ ను ఫిక్స్ చేశాడు. తాజాగా మరో సినిమా హీరోయిన్ ను కూడా దాదాపు ఫిక్స్ చేసినట్టే కనిపిస్తున్నాడు.

హరీశ్ శంకర్ దర్శకత్వంలో డీజే అని సినిమాను ప్రారంభించాడు బన్నీ. ఈ సినిమాలో పూజా హెగ్డే ను హీరోయిన్ గా తీసుకునే ఆలోచనలో ఉన్నాడు. దీంతో పాటు లింగుస్వామి దర్శకత్వంలో మరో సినిమా కూడా ఎనౌన్స్ చేశాడు. ఈ మూవీతో తమిళనాట కూడా అడుగుపెట్టబోతున్నాడు బన్నీ.

ఇందులో హీరోయిన్ గా కీర్తి సురేష్ ను సెలక్ట్ చేసినట్టు తెలుస్తోంది. గతంలో రామ్ నటించిన నేను శైలజ సినిమాలో కీర్తి సురేష్ హీరోయిన్ గా నటించింది. త్వరలోనే తన 2 సినిమాల్లో నటించనున్న హీరోయిన్లపై అఫీషియల్ గా క్లారిటీ ఇవ్వబోతున్నాడు బన్నీ.