Bhumika - మరో ఇంట్రెస్టింగ్ రోల్

నాలుగు పాత్ర‌ల చుట్టు న‌డిచే రోడ్ జ‌ర్నీ కాన్సెప్ట్‌తో ఓ సినిమా వస్తోంది. సుమంత్ అశ్విన్, శ్రీకాంత్, తాన్యా హోప్ మూడు పాత్రలకు ఎంపికయ్యారు. షూటింగ్ కూడా మొదలైంది. ఇప్పుడు నాలుగో పాత్ర కోసం భూమికను తీసుకున్నారు.

లాక్‌డౌన్ త‌ర్వాత మళ్లీ మొదలైన షూటింగ్‌లో ఆమె జాయిన్ అయ్యారు. గురుప‌వ‌న్ ద‌ర్శ‌క‌త్వంలో వస్తున్న ఈ సినిమా ఈ నాలుగు పాత్రల చుట్టూ తిరుగుతుంది. సినిమాకు ఇంకా టైటిల్ పెట్టలేదు.

లాక్‌డౌన్‌కు ముందుగానే ల‌డ‌ఖ్ షెడ్యూల్‌తో స‌హా 50 శాతం చిత్రీక‌ర‌ణ పూర్తి చేసుకున్న ఈ సినిమా షూటింగ్ ప్ర‌స్తుతం హైద‌రాబాద్‌లో అన్ని ర‌కాల నిబంధ‌న‌లు పాటిస్తూ జ‌రుగుతోంది. న‌లుగురు ప్ర‌ధాన పాత్ర‌ధారుల‌పై కీల‌క స‌న్నివేశాలు చిత్రీక‌రిస్తున్నారు.