బెల్లంకొండ శ్రీనివాస్ కొత్త సినిమా

రీసెంట్ గా ‘సాక్ష్యం’ సినిమాతో మాస్ హీరో అనిపించుకున్న బెల్లంకొండ శ్రీనివాస్ మరో సినిమాతో సెట్స్ పైకి రానున్నాడు. గతంలో ‘ఒక ఊరిలో’, ‘వీర’, ‘రైడ్’, ‘ఆమ్మాయితో అబ్బాయి’ సినిమాలకు దర్శకత్వం వహించిన రమేష్ వర్మ డైరెక్షన్ లో ఈ సినిమా తెరకెక్కనుంది.

ప్రస్తుతం ప్రీ ప్రొడక్షన్ జరుపుకుంటున్న ఈ సినిమాని త్వరలో సెట్స్ పైకి తీసుకువచ్చే ప్రాసెస్ లో ఉన్నారు ఫిల్మ్ మేకర్స్. సాక్ష్యం లాంటి పవర్ ప్యాక్డ్ ఎంటర్ టైనర్ తరవాత సెట్స్ పైకి రానున్న ఈ సినిమాలో బెల్లంకొండ శ్రీనివాస్ ని కంప్లీట్ గా డిఫెరెంట్ డైమెన్షన్ లో ప్రెజెంట్ చేసే ప్రాసెస్ లో ఉన్నారు మేకర్స్.

అభిషేక్ అగర్వాల్ ఆర్ట్స్ బ్యానర్ పై తెరకెక్కనున్న ఈ సినిమాకి అభిషేక్ అగర్వాల్ నిర్మాత. ఈ సినిమాలో బెల్లంకొండ శ్రీనివాస్ సరసన నటించనున్న హీరోయిన్ తో పాటు, తక్కిన టెక్నీషియన్స్ డీటేల్స్ త్వరలో అనౌన్స్ చేయనున్నారు మేకర్స్.