ఫస్ట్ లుక్ హంగామా ....

ప్రభాస్ అభిమానులతో  పాటు  ప్రపంచవ్యాప్తంగా  సినిమా ప్రేమికులందరూ ఎంతో ఉత్కంఠ తో ఎదురుచూసిన ‘బాహుబలి-2’ ఫస్ట్ లుక్ విడుదలైంది. ‘బాహుబలి-2’ షూటింగ్ ప్రారంభమైన డే 1 నుండి సినిమాకు సంబంధించిన ఎటువంటి స్టిల్స్ బయటికి రాకుండా చిత్ర యూనిట్ జాగ్రత్త వహించడం తో ఈ చిత్ర ఫస్ట్ లుక్ పై అందరిలోనూ ఉత్కంఠ నెలకొంది.

చేతికి గొలుసులు చుట్టుకొని చేతిలో కత్తి పట్టుకుని పౌరుషంగా నడుస్తూ ప్రభాస్ లుక్ ప్రస్తుతం సోషల్ మీడియాలో హల్ చల్ చేస్తుంది.

ప్రభాస్ జన్మదినాన్ని పురస్కరించుకొని ముంబై లో జరుగుతున్న ఫిలిం ఫెస్టివల్ లో ఈ ఫస్ట్ లుక్ ను విడుదల చేశారు చిత్ర యూనిట్.. ఈ వేడుకలో చిత్ర దర్శకుడు రాజమౌళి, యంగ్ రెబెల్ స్టార్ ప్రభాస్, మిల్క్ బ్యూటీ తమన్న తో పాటు చిత్ర నిర్మాత శోబు యార్లగడ్డ పాల్గొన్నారు.