మరి కొన్ని గంటల్లో 'అర్జున్ రెడ్డి' ప్రీ రిలీజ్ ఈవెంట్

విజయ్ దేవరకొండ నటించిన లేటెస్ట్ మూవీ ‘అర్జున్ రెడ్డి’ రిలీజ్ కి రెడీ అయింది. ఫిబ్రవరి 13న టీజర్ తో మూవీ లవర్స్ లో హై ఎండ్ ఇంపాక్ట్ క్రియేట్ చేసిన అర్జున్ రెడ్డి ఆ తరవాత రిలీజైన సింగిల్స్ తో మ్యూజిక్ లవర్స్ ను సైతం ఎట్రాక్ట్ చేసి సినిమా పై అంచనాలు పెంచాడు. ఆగస్టు 25న వినాయకచవితి కానుకగా రిలీజ్ కానున్న ఈ సినిమాకు సంబంధించి ఈరోజు సాయంత్రం గ్రాండ్ గా  ప్రీ రిలీజ్ ఈవెంట్ ను నిర్వహించబోతున్నారు మేకర్స్. ఈ ఈవెంట్ లో కొంత మంది యంగ్ హీరోలతో పాటు   సినీ ప్రముఖులు కూడా హాజరు కానున్నారని సమాచారం.

పెళ్లి చూపులు సినిమాతో హీరోగా సూపర్ హిట్ అందుకున్న విజయ్ దేవర కొండ ఈ సినిమాతో డిఫరెంట్ ఆటిట్యూడ్ గల కుర్రాడిగా ఎంటర్టైన్ చేయబోతున్నాడు. విజయ్ సరసన షాలిని హీరోయిన్ గా నటించిన ఈ సినిమాకు రథన్ మ్యూజిక్ కంపోజ్ చేయగా సందీప్ రెడ్డి వంగ దర్శకత్వం వహించాడు.