త్వరలోనే సెట్స్ పైకి రానున్న అనుష్క సినిమా

బాహుబాలి, భాగమతి సినిమాల తర్వాత కాస్త గ్యాప్ తీసుకున్న అనుష్క ఎట్టకేలకు  నెక్స్ట్ సినిమాను ఫైనలైజ్ చేసుకుంది… ఇటివలే హేమంత్ మధుకర్ అనే దర్శకుడు చెప్పిన కథకి గ్రీన్ సిగ్నల్ ఇచ్చిన అనుష్క త్వరలోనే ఈ సినిమా షూటింగ్ లో పాల్గొనబోతుంది. లేడీ ఓరియంటెడ్ సినిమాగా తెరకెక్కనున్న ఈ సినిమాలో మాధవన్ ఓ ఇంపార్టెంట్ రోల్ లో కనిపించనున్నాడు. గతంలో వీరిద్దరూ కలిసి ‘రెండు’ అనే సినిమాలో నటించారు. మళ్ళీ ఇన్నాళ్ళకి ఈ సినిమాతో ఈ ఇద్దరూ ప్రేక్షకుల ముందుకు రాబోతున్నారు.

కోనా వెంకట్ సమర్పణలో పీపుల్ మీడియా ఫాక్టరీ బ్యానర్ పై తెరకెక్కనున్న ఈ సినిమాను ఇటివలే అనుష్క బర్త్ డే సందర్భంగా అఫీషియల్ గా అనౌన్స్ చేసారు. ప్రస్తుతం ప్రీ ప్రొడక్షన్ వర్క్ జరుపుకుంటున్న ఈ సినిమా డిసెంబర్ నుండి సెట్స్ పైకి రానుంది. ఈ సినిమాను తమిళ్ , తెలుగులో సైమల్టియస్ గా తెరకెక్కించేందుకు ప్లాన్ చేస్తున్నారు మేకర్స్.