Anil Ravipudi - ఈసారి దర్శకత్వ పర్యవేక్షణ

సూపర్ హిట్ డైరక్టర్ అనీల్ రావిపూడి. కెరీర్ లో బ్యాక్ టు బ్యాక్ సక్సెస్ లు ఇస్తున్న డైరక్టర్. ఇలాంటి డైరక్టర్ “దర్శకత్వ పర్యవేక్షణ” చేస్తే ఎలా ఉంటుంది. అలాంటి గోల్డెన్ ఛాన్స్ అందుకున్న సినిమా గాలి సంపత్. అవును.. ఈ సినిమాకు అనీల్ రావిపూడి దర్శకత్వ పర్యవేక్షణ చేస్తున్నాడు.

చిన్న చిత్రాల్లో మంచి క్రేజ్ తెచ్చుకున్న మూవీ ‘గాలి సంపత్’. ఈ చిత్రాన్ని బ్లాక్ బస్టర్ డైరెక్టర్ అనిల్ రావిపూడి ప్రజెంట్ చేస్తున్నాడు. స్క్రీన్ ప్లే కూడా అందిస్తున్నాడు. ఇప్పుడీ చిత్రానికి దర్శకత్వ పర్యవేక్షణ కూడా చేస్తున్నట్టు ప్రకటించాడు అనీల్ రావిపూడి.

అనిల్ కో-డైరెక్ట‌ర్, రైట‌ర్, మిత్రుడు ఎస్.క్రిష్ణ నిర్మాత‌గా మారి ఈ సినిమాను తెరకెక్కిస్తున్నాడు. అందుకే తన ఫ్రెండ్ కోసం అనీల్ ఇలా దర్శకత్వ పర్యవేక్షకుడిగా మారాడు. అనీష్ దర్శకుడిగా వ్యవహరిస్తున్నాడు.

ఇమేజ్ స్పార్క్‌ ఎంటర్టైన్మెంట్ బ్యానర్ ను స్థాపించిన కృష్ణ… షైన్ స్క్రీన్స్ తో క‌లిసి ఈ చిత్రాన్ని నిర్మిస్తున్నాడు. యంగ్ హీరో శ్రీ విష్ణు, ల‌వ్‌లీ సింగ్ హీరోహీరోయిన్లుగా నటిస్తున్న ఈ సినిమాలో గాలి సంపత్ అనే టైటిల్ రోల్ ను రాజేంద్ర ‌ప్ర‌సాద్ పోషిస్తున్నారు.