సగం బిల్లు కడతానంటున్న విజయ్ దేవరకొండ

Thursday,November 26,2020 - 04:06 by Z_CLU

టాలీవుడ్ యంగ్ స్టార్ విజయ్ దేవరకొండ వ్యాపారంలోనూ తన అభిరుచి చాటుతున్నారు. రౌడీ వేర్ ఫ్యాషన్ బ్రాండ్లతో పాటు ఇటీవల ఎలక్ట్రిక్ వెహికిల్ కంపెనీలో భాగస్వామి అయ్యారు. అన్న చూపిన బాటలో తమ్ముడు ఆనంద్ దేవరకొండ కూడా నడుస్తున్నాడు.

మిడిల్ క్లాస్ మెలొడీస్ సినిమాతో మంచి సక్సెస్ అందుకున్న ఆనంద్ దేవరకొండ తన స్నేహితులు నిర్వహిస్తున్న ఓ కేఫ్ లో పార్టనర్ అయ్యాడు. ఈ విషయాన్ని ఆనంద్ దేవరకొండ
ట్విట్టర్ ద్వారా తెలియజేశారు. మరోవైపు.. ఈ వీకెండ్ కేఫ్ కు వచ్చిన కస్టమర్ల సగం బిల్ తాను పే చేస్తానని విజయ్ దేవరకొండ అనౌన్స్ చేశారు.

ఆనంద్ దేవరకొండ ట్వీట్ చేస్తూ….”నేను మా అన్నయ్య విజయ్ ఇద్దరం ఫుడ్ బేస్డ్ మూవీస్ తోనే మంచి సక్సెస్ అందుకున్నాం. “మిడిల్ క్లాస్ మెలొడీస్” ద్వారా వచ్చిన నా రెమ్యునరేషన్ ను ఈ ఫుడ్ బిజినెస్ లోనే ఇన్వెస్ట్ చేస్తున్నాను. మా స్నేహితులు కలిసి నిర్వహిస్తున్న “గుడ్ వైబ్స్ ఓన్లీ”
కేఫ్ లో భాగస్వామి అవడం సంతోషంగా ఉంది.” అన్నాడు

విజయ్ దేవరకొండ స్పందిస్తూ… “మిడిల్ క్లాస్ మెలొడీస్” సినిమా హిట్ అయిన సంతోషంలో ఉన్నాను. నేను నా ఆనందాన్ని మీతో పంచుకోవాలనుకుంటున్నా. అందుకే ఈ వీకెండ్ కేఫ్ కు వచ్చే మీ కోసం సగం బిల్ నేను చెల్లిస్తాను. సో మీ అందరికీ వెల్ కమ్. బిల్ నాది” అని ట్వీట్ చేశారు.