మరోసారి అమీ తుమీ అంటున్న వెన్నెల కిషోర్

పేరుకే చిన్న సినిమా. విజయం మాత్రం చాలా పెద్దది. టైటిల్ కు తగ్గట్టు ఇప్పటికీ చాలా సినిమాలకు పోటీగా సై అంటోంది అమీతుమీ. అవసరాల శ్రీనివాస్, అడవి శేషు, వెన్నెల కిషోర్ హీరోలుగా నటించిన ఈ హిలేరియస్ కామెడీ ఎంటర్ తాజాగా 25 రోజులు పూర్తిచేసుకుంది. నాలుగో వారంలోకి ఎంటరైనప్పటికీ ఇప్పటికీ తెలుగు రాష్ట్రాల్లో 60 కేంద్రాల్లో సక్సెస్ ఫుల్ గా రన్ అవుతోంది అమీ తుమీ.

ఎప్పుడో బ్రేక్ ఈవెన్ సాధించేసిన ఈ సినిమా ప్రస్తుతం లాభాల బాటలో నడుస్తోంది. ఇంద్రగంటి మోహన కృష్ణ దర్శకత్వంలో సునిశిత హాస్యంతో తెరకెక్కిన ఈ సినిమా గ్రీన్ ట్రీ ప్రొడక్షన్స్ బ్యానర్ కు కాసుల వర్షం కురిపిస్తోంది. ఈషా, అదితి మయకల్ హీరోయిన్లుగా నటించిన ఈ సినిమాకు మణిశర్మ సంగీతం అందించాడు.

మూవీకి సంబంధించి ఇప్పటికే సక్సెస్ టూర్స్ కంప్లీట్ చేసింది యూనిట్. కుదిరితే మరోసారి సినిమాకు ప్రచారం కల్పించేందుకు ప్రణాళికలు రచిస్తోంది. డీజే మినహా మరో పెద్ద సినిమా బరిలో లేకపోవడం కూడా అమీ తుమీకి కలిసొచ్చింది.