శర్వానంద్ సినిమాలో అక్కినేని కోడలు
Saturday,November 02,2019 - 01:56 by Z_CLU
శర్వానంద్ హీరోగా డ్రీమ్ వారియర్ పిక్చర్స్ బ్యానర్పై శ్రీకార్తీక్ దర్శకత్వంలో ఎస్.ఆర్.ప్రభు ఓ చిత్రాన్ని నిర్మిస్తున్న సంగతి తెలిసిందే. శుక్రవారం నుంచి ఈ సినిమా సెకండ్ షెడ్యూల్ హైదరాబాద్లో ప్రారంభమైంది. అమల అక్కినేని ఈ చిత్రంలో శర్వానంద్ తల్లి పాత్రలో నటిస్తుంటే.. ప్రముఖ సంగీత దర్శకుడు అనిరుధ్ రవిచంద్రన్ తండ్రి, నటుడు రవి రాఘవేంద్ర హీరో తండ్రి పాత్రలో నటిస్తున్నారు.
సెలక్టివ్ సినిమాల్లోనే నటించే అమల అక్కినేని, కథ, తన పాత్ర నచ్చడంతో ఈ సినిమాలో యాక్ట్ చేయడానికి ఒప్పుకున్నారు. ప్రస్తుతం హైదరాబాద్లో శర్వానంద్, అమల అక్కినేని, రవి రాఘవేంద్ర పాత్రల మధ్య కీలక సన్నివేశాలను చిత్రీకరిస్తున్నారు.
`పెళ్ళిచూపులు` ఫేమ్ రీతూవర్మ హీరోయిన్గా నటిస్తున్నారు. నాజన్, వెన్నెల కిషోర్, ప్రియదర్శి ఇతర ముఖ్య పాత్రల్లో నటిస్తున్నారు. స్నేహం, ప్రేమ మధ్య విడదీయరాని బంధాన్ని తెలియజేసేలా ఈ చిత్రం ఉంటుంది. ఈ చిత్రానికి తరుణ్ భాస్కర్ మాటలు అందిస్తున్నాడు. జాక్స్ బిజోయ్ సంగీతాన్ని, సుజిత్ సారంగ్ సినిమాటోగ్రఫీని అందిస్తున్నారు.
రీసెంట్గా `ఖైదీ` చిత్రంతో తెలుగు, తమిళ భాషల్లో సక్సెస్ను సాధించిన నిర్మాణ సంస్థ డ్రీమ్ వారియర్ పిక్చర్స్ ఈ చిత్రాన్ని కూడా తెలుగు, తమిళ భాషల్లోనే నిర్మిస్తున్నారు. ఈ చిత్రాన్ని 2020 సమ్మర్లో గ్రాండ్ రిలీజ్ చేయడానికి నిర్మాతలు ప్లాన్ చేస్తున్నారు.