Allu Arjun Pushpa - నార్త్ లో తగ్గేదేలే..!

Allu Arjun Powers Pushpa To Over Rs 300 Crores

హిందీలో 75 కోట్ల దిశగా పుష్ప.. ఓవరాల్‌గా 300 కోట్లు.. బాక్సాఫీస్ దగ్గర తగ్గేదే లే..

ఐకాన్ స్టార్ అల్లు అర్జున్ హీరోగా సుకుమార్ తెరకెక్కించిన సినిమా పుష్ప ది రైజ్. డిసెంబర్ 17న ప్రపంచవ్యాప్తంగా భారీ అంచనాలతో విడుదలైన ఈ చిత్రానికి కలెక్షన్స్ అదిరిపోతున్నాయి. ఇప్పటికే 2021 ఇండియన్ బిగ్గెస్ట్ గ్రాసర్‌గా నిలిచిన పుష్ప.. కొత్త ఏడాది కూడా అదే జోరు చూపిస్తుంది. విడుదలైన 16వ రోజు హిందీలో రికార్డు వసూళ్లు సాధించింది. ఏకంగా 6 కోట్లకు పైగా వసూలు చేసి ఔరా అనిపించింది. మొదటి రోజు వచ్చిన వసూళ్ల కంటే కూడా ఇది చాలా ఎక్కువ. అంతేకాదు హిందీలో పుష్ప సినిమాకు హైయ్యస్ట్ సింగిల్ డే కలెక్షన్ కూడా ఇదే.

ఇప్పటికే బాలీవుడ్‌లో అంచనాలకు మించి రాణిస్తుంది పుష్ప సినిమా. అక్కడ ఈ సినిమాకు ఇప్పటివరకు రూ.56 కోట్లు వచ్చాయి. 75 కోట్ల దిశగా వేగంగా దూసుకుపోతుంది పుష్ప. ఇదే విషయాన్ని బాలీవుడ్ ట్రేడ్ పండితుడు తరణ్ ఆదర్శ్ ట్వీట్ చేసారు. కరోనా సెకండ్ వేవ్ ముగిసిన తర్వాత అత్యధిక వసూళ్లు తీసుకొచ్చిన ఇండియన్ సినిమాగా నిలిచింది పుష్ప.

ఇప్పటికీ కొన్నిచోట్ల ఈ చిత్రానికి హౌజ్ ఫుల్ బోర్డులు కనిపిస్తున్నాయి. ఓవరాల్‌గా ఇప్పటికే పుష్ప సినిమాకు 300 కోట్ల గ్రాస్ వచ్చింది. ఫుల్ రన్‌లో సినిమా 350 కోట్ల వరకు వసూలు చేసే అవకాశాలు పుష్కలంగా కనిపిస్తున్నాయి.

పుష్ప విషయంలో దర్శకుడు బుచ్చిబాబు చెప్పిందే నిజమైంది. పుష్ప రిలీజ్ కి ముందే ఈ సినిమాను KGF తో పోల్చాడు ఉప్పెన దర్శకుడు బుచ్చిబాబు. కానీ పుష్ప రిలీజ్ రోజు అందరూ అతని కామెంట్ ని ట్రోల్ చేశారు. కానీ ఇప్పుడు చాలా చోట్ల KGFని దాటి కలెక్ట్ చేసింది. ముఖ్యంగా బాలీవుడ్ లో KGF గ్రాస్ ను పుష్ప దాటేసింది.

రష్మిక మందన్న హీరోయిన్‌గా నటించిన ఈ చిత్రంలో సునీల్, అనసూయ, జగదీష్ ప్రతాప్ భండారీ కీలక పాత్రల్లో నటించారు. మైత్రి మూవీ మేకర్స్, ముత్తంశెట్టి మీడియా పుష్ప సినిమాను నిర్మించారు.