మరోసారి తండ్రి అయిన అల్లు అర్జున్

వరుస విజయాలతో కెరీర్ ను ఫుల్లుగా ఎంజాయ్ చేస్తున్న అల్లు అర్జున్… ఇప్పుడు తన ఆనందాన్ని డబుల్ చేసుకున్నాడు. అవును… బన్నీ మరోసారి తండ్రి అయ్యాడు. హైదరాబాద్ లోని ఓ ప్రైవేటు హాస్పిటల్ లో స్నేహ-బన్నీ దంపతులకు పండంటి ఆడ బిడ్డ పుట్టింది. తల్లి-బిడ్డ క్షేమంగా ఉన్నారని డాక్టర్లు ప్రకటించారు. ఆడ పిల్ల పుట్టడంతో మెగా కాంపౌండ్ లో సంబరాలు అంబరాన్ని తాకాయి. తనకు పాప పుట్టిన విషయాన్ని బన్నీ స్వయంగా ప్రకటించాడు.

తెలంగాణ ముఖ్యమంత్రి కేసీఆర్ ప్రవేశపెట్టిన హరితహారం సందర్భంగా… బన్నీ మరోసారి తండ్రి కాబోతున్నాడనే వార్త బయటకు వచ్చింది. మెగా కాంపౌండ్ లో మొక్కలు నాటే కార్యక్రమంలో స్నేహా రెడ్డి గర్భవతి అనే విషయం బయటకొచ్చింది. తర్వాత ఆ విషయాన్ని బన్నీ కూడా కన్ ఫర్మ్ చేశాడు. తను మరోసారి తండ్రిని కాబోతున్నానని ప్రకటించాడు. ప్రెగ్నెంట్ స్నేహరెడ్డితో ఉన్న ఫొటోల్ని కూడా రిలీజ్ చేశాడు. ఇప్పుడు స్నేహారెడ్డి పండంటి ఆడబిడ్డకు జన్మనిచ్చింది.