హిట్ కోసం సక్సెస్ ఫార్ములాపై కన్ను

అల్లరినరేష్ ఫస్ట్ టైం హారర్ కామెడీ జానర్ లోకి ఎంటరయ్యాడు. ఇంట్లో దయ్యం నాకేం భయ్యం అనే సినిమాతో సక్సెస్ కొట్టాలని చూస్తున్నాడు. షూటింగ్ పూర్తిచేసుకున్న ఈ సినిమాను ఈనెల 11న విడుదల చేయాలని నిర్ణయించారు. తాజాగా ఆడియోను నేరుగా ఆన్ లైన్ లో విడుదల చేశారు.

తన రెగ్యులర్ ఫ్లేవర్ కామెడీకి ఈసారి హారర్ ని కూడా యాడ్ చేశాడు అల్లరోడు. భయపడుతూ నవ్విస్తూనే… ఇంకాస్త భయపెట్టాలని చూస్తున్నాడు. గతంలో నరేష్ తో కలిసి సీమశాస్త్రి, సీమటపాకాయ్ లాంటి సూపర్ హిట్ సినిమాలకు డైరెక్షన్ చేసిన జి. నాగేశ్వర్ రెడ్డి ఈ సినిమాను కూడా అదే తరహాలో ఫుల్ లెంగ్త్ ఎంటర్ టైనర్ లా తెరకెక్కించాడు.