సురేందర్ రెడ్డి నెక్ట్స్ సినిమా హీరో ఇతడే

సినిమా సినిమాకు చిన్న గ్యాప్ తీసుకుంటూ ముందుకెళ్తున్న అఖిల్ అక్కినేని ఇకపై స్పీడు పెంచి వరుసగా సినిమాలు చేయాలని డిసైడ్ అయ్యాడు. ప్రస్తుతం బొమ్మరిల్లు భాస్కర్ డైరెక్షన్ లో నాలుగో సినిమా చేస్తున్న అఖిల్ నెక్స్ట్ సినిమాను ఓ స్టార్ డైరెక్టర్ తో చేస్తున్నాడట. అవును… మెగాస్టార్ తో ‘సైరా’ తీసిన సురేందర్ రెడ్డి డైరెక్షన్ లో అఖిల్ నెక్స్ట్ సినిమా ఉండబోతుందని సమాచారం.

నెక్స్ట్ ఓ లవ్ స్టోరీతో సినిమా చేయాలని అందుకు కథ సిద్దం చేసుకున్న సురేందర్ రెడ్డి ఆ స్క్రిప్ట్ అఖిల్ కి నెరేట్ చేశాడని, కథ నచ్చడంతో అఖిల్ గ్రీన్ సిగ్నల్ ఇచ్చాడని టాక్.

ప్రస్తుతానికి ఈ కాంబో న్యూస్ సోషల్ మీడియాలో హాట్ టాపిక్ అవుతుంది. సైరా తర్వాత సురేందర్ రెడ్డి ఓ యంగ్ హీరోతో సినిమా చేయనుండటం విశేషం. దీనిపై అధికారిక ప్రకటన వచ్చే వరకు వేచి చూడాలి.