ఆకాష్ పూరి 'చోర్ బజార్' లాంచ్

డైరెక్టర్ పూరీ జగన్నాథ్ తనయుడు యంగ్ హీరో ఆకాష్ పూరి హీరోగా నటిస్తున్న కొత్త సినిమా ‘చోర్ బజార్’ పూజా కార్యక్రమాలతో లాంచ్ అయింది. ‘జార్జ్ రెడ్డి’ ఫేమ్ జీవన్ రెడ్డి డైరెక్షన్ లో ఆకాష్ నటిస్తున్న ఈ సినిమా ప్రీ ప్రొడక్షన్ స్టేజిలో ఉంది. ఫిబ్రవరి 26 నుంచి రెగ్యులర్ షూటింగ్ ప్రారంభం కానుంది.

దొంగిలించిన వస్తువులన్నీ చోర్ బజార్ కు చేరుతుంటాయి. అయితే ఈ కథను అంతా ఊహించినట్లు కాకుండా విభిన్నంగా తెరకెక్కించనున్నాడట జీవన్ రెడ్డి. వీ ప్రొడక్షన్స్ పతాకంపై వీఎస్ రాజు నిర్మిస్తున్న ఈ సినిమాకు సురేష్ బొబ్బిలి మ్యూజిక్ అందించనున్నాడు. సుబ్బరాజు, పోసాని, “లేడీస్ టైలర్” ఫేమ్ అర్చన ఇతర కీలక పాత్రల్లో నటిస్తున్న ఈ సినిమాలో హీరోయిన్ తో పాటు మిగతా వివరాలు త్వరలోనే తెలియజేయనున్నారు.

అనిల్ పాడురి డైరెక్షన్ లో ‘రొమాంటిక్’ సినిమాను కంప్లీట్ చేసిన ఆకాష్ కి హీరోగా ఇది మూడో సినిమా.