101 Jillala Andagadu - ఫస్ట్ లుక్ రిలీజ్
Friday,March 26,2021 - 12:11 by Z_CLU
`101 జిల్లాల అందగాడు` ఫస్ట్ లుక్… గొత్తి సత్యనారాయణగా డిఫరెంట్ గెటప్లో అవసరాల శ్రీనివాస్
హిట్ చిత్రాల నిర్మాత దిల్రాజు, దర్శక నిర్మాత క్రిష్ జాగర్లమూడి కలిసి డిఫరెంట్ సినిమాను రూపొందిస్తున్నారు. నటుడిగా, దర్శకుడిగా తన ప్రత్యేకతను చాటుకుంటోన్న అవసరాల శ్రీనివాస్ టైటిల్ పాత్రలో నటిస్తోన్న ఎంటర్టైనర్ ‘101 జిల్లాల అందగాడు’.
రాచకొండ విద్యాసాగర్ దర్శకుడిగా పరిచయం అవుతున్న ఈ చిత్రాన్ని శ్రీవెంకటేశ్వర క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ బ్యానర్స్పై దిల్రాజు, డైరెక్టర్ క్రిష్ సమర్పణలో శిరీష్, రాజీవ్ రెడ్డి, సాయి బాబు జాగర్లమూడి నిర్మిస్తున్నారు. ఈ సినిమా ఫస్ట్లుక్ను చిత్ర యూనిట్ విడుదల చేసింది.
ఫస్ట్లుక్ చూస్తే అవసరాల శ్రీనివాస్ బట్టతలతో కనిపిస్తున్నారు. తెలుగు సినిమాల్లో హీరోకు బట్టతల ఉండటమనేది ఇప్పటి వరకు రానటువంటి కథాంశం. ఇలాంటి కాన్సెప్ట్తో రూపొందుతోన్న `101 జిల్లాల అందగాడు` చిత్రంలో అవసరాల శ్రీనివాస్ గొత్తి సూర్య నారాయణ అనే పాత్రలో నటిస్తున్నారు.
రుహనీ శర్మ హీరోయిన్ గా నటించిన ఈ సినిమాలో తనదైన పంచ్ లతో ఎట్రాక్ట్ చేయబోతున్నాడు అవసరాల శ్రీనివాస్. రామ్ సినిమాటోగ్రఫీ అందిస్తున్న ఈ చిత్రానికి శక్తికాంత్ కార్తీక్ సంగీతాన్ని అందిస్తున్నారు. షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ దశలోఉంది. మే 7న సినిమాను విడుదల చేస్తున్నారు దర్శక నిర్మాతలు.
సాంకేతిక వర్గం:
దర్శకత్వం: రాచకొండ విద్యాసాగర్
సమర్పణ: దిల్రాజు, జాగర్లమూడి క్రిష్
నిర్మాతలు: శిరీష్, రాజీవ్ రెడ్డి, సాయి బాబు జాగర్లమూడి
రచయిత: అవసరాల శ్రీనివాస్
సినిమాటోగ్రఫీ: రామ్
ఎడిటర్: కిరణ్ గంటి
సంగీతం: శక్తికాంత్ కార్తీక్
ఆర్ట్: ఎ.రామాంజనేయులు
డిజైనర్: ఐశ్వర్యా రాజీవ్