వరుణ్ తేజ్ హీరోగా కిరణ్ కొర్రపాటి దర్శకుడిగా పరిచయమవుతూ తెరకెక్కుతున్న 'గని' సినిమా నుండి ఫస్ట్ సింగిల్ రిలీజైంది. 'Ghani Anthem' అంటూ విడుదలైన ఈ సాంగ్ ఇప్పుడు సోషల్ మీడియాలో అందరినీ ఎట్రాక్ట్ చేస్తుంది.

తమన్ కంపోజ్ చేసిన ఈ పాటకి రామజోగయ్య శాస్త్రి లిరిక్స్ అందించాడు. తన సాహిత్యంతో ఈ సాంగ్ ని అందరూ ఆదర్శంగా తీసుకునేలా తీర్చిదిద్దాడు రామజోగయ్య శాస్త్రి. అలాగే తమన్ ట్యూన్  కూడా సాంగ్ కి మంచి ఎలివేషన్ ఇచ్చింది. ఆదిత్య , శ్రీ కృష్ణ , సాయి చరణ్ , పృద్వీ సింగింగ్ కూడా బాగుంది.

సినిమాలో వరుణ్ కిక్ బాక్సర్ గా కనిపించనున్నాడు. తను బాక్సింగ్ లో ట్రైనింగ్ అవుతున్న సిచ్యూవేషణ్ లో వచ్చే సాంగ్ ఇది. అందుకే దీనికి గని ఆంథెం అనే టైటిల్ పెట్టి రిలీజ్ చేశారు.

•  Krithi Shetty Latest Clicks

సాంగ్ లో విజువల్స్ , ఫొటోస్ చూస్తుంటే మెగా ఫ్యాన్స్ కి తమ్ముడు సినిమాలో పవన్ ట్రైనింగ్ అయ్యేటప్పుడు వచ్చే సాంగ్ గుర్తురావడం ఖాయం. అప్పట్లో ఆ సాంగ్ బాగా పాపులర్ అయింది. ఇప్పటికీ ఎక్కడో చోట వినబడుతూనే ఉంటుంది. మరి గని ఆంథెం కూడా ఆ రేంజ్ లో జనాల్లోకి వెళ్తుందా ? చూడాలి.