Sandeep Reddy Vanga directs Prabhas in Spirit వరుసగా భారీ ప్రాజెక్టులు ప్రకటిస్తున్న పాన్ ఇండియా స్టార్ ప్రభాస్ మరో సినిమా ఎనౌన్స్ చేశాడు. సందీప్ రెడ్డి వంగ దర్శకత్వంలో ఈ పాన్-వరల్డ్ మూవీ రాబోతోంది. దీనికి స్పిరిట్ (SPIRIT) అనే టైటిల్ ఫిక్స్ చేశారు. ప్రభాస్ (Prabhas) కెరీర్ లో ప్రతిష్టాత్మక 25వ చిత్రం (#Prabhas25) ఇది.

• బాహుబలి బాటలో ప్రభాస్ సలార్

వరుసపెట్టి సినిమాలు ప్రకటిస్తున్నాడు ప్రభాస్. ప్రస్తుతం ఈ హీరో చేతిలో సలార్, ఆదిపురుష్, ప్రాజెక్ట్-K సినిమాలున్నాయి. వీటిలో సలార్, ఆదిపురుష్ సెట్స్ పై ఉన్నాయి. ప్రాజెక్ట్-K ఇంకా సెట్స్ పైకి రాలేదు. అంతలోనే సందీప్ రెడ్డి దర్శకత్వంలో మరో సినిమా ప్రకటించి సంచలనం సృష్టించాడు యంగ్ రెబల్ స్టార్.

టీ-సిరీస్, యూవీ-క్రియేషన్స్ సంస్థలు సంయుక్తంగా ఈ సినిమాను నిర్మిస్తాయి. తెలుగు, తమిళ, మలయాళ, కన్నడ, హిందీ భాషలతో పాటు మాండరిన్ (చైనా), జపనీస్, కొరియన్ భాషల్లో కూడా స్పిరిట్ మూవీ (Spirit Movie)ని ఒకేసారి రిలీజ్ చేయబోతున్నారు.

అయితే ప్రాజెక్ట్ ఎనౌన్స్ చేసినప్పటికీ ఈ సినిమా ఇప్పట్లో సెట్స్ పైకి రాదు. సలార్, ఆదిపురుష్ సినిమాల్ని ప్రభాస్ కంప్లీట్ చేయాలి. అటు సందీప్ వంగ (Sandeep Reddy Vanga) కూడా రణబీర్ కపూర్ హీరోగా యానిమల్ అనే సినిమాను పూర్తిచేయాల్సి ఉంది. ఈ కమిట్ మెంట్స్ కంప్లీట్ అయిన తర్వాత స్పిరిట్ సెట్స్ పైకి వస్తుంది.

అర్జున్ రెడ్డి సినిమాతో ఒక్కసారిగా లైమ్ లైట్లోకి వచ్చాడు సందీప్. అదే సినిమాను హిందీలో కబీర్ సింగ్ పేరిట రీమేక్ చేసి అక్కడ కూడా బ్లాక్ బస్టర్ కొట్టాడు. ఆ తర్వాత మహేష్ తో మూవీ చేసేందుకు ప్రయత్నించినా అది వర్కవుట్ కాలేదు. త్వరలోనే అతడు మహేష్ తో సినిమా చేస్తాడని అంతా ఎదురుచూస్తున్న టైమ్ లో, ప్రభాస్ తో మూవీ ఎనౌన్స్ చేసి షాకిచ్చాడు సందీప్ వంగ.

• - Follow us for Latest Telugu Zee Cinemalu News and upcoming trending stories, Gossips, Actress Photos and Special topics