దిల్ రాజు ఫ్యామిలీ నుండి శిరీష్ తనయుడు ఆశిష్ హీరోగా 'రౌడీ బాయ్స్' అనే సినిమా తెరకెక్కుతున్న సంగతి తెలిసిందే. ఇటివలే ఫస్ట్ సింగిల్ తో పాటు టీజర్ కూడా రిలీజ్ చేసిన మేకర్స్ తాజాగా ఆల్బంలోని రెండో పాటను వదిలారు. ఈ లిరికల్ సాంగ్ ని రౌడీ విజయ్ దేవరకొండ లాంచ్ చేశాడు.

ఇప్పటికే సినిమాలోని టైటిల్ సాంగ్ ఓ రేంజ్ లో క్లిక్ అయింది. ప్రస్తుతం కుర్రాళ్ళకి ఓ బ్రాండ్ సాంగ్ లా మారిపోయింది. తాజాగా రిలీజయిన "ప్రేమే ఆకాశమైతే" సాంగ్ కూడా అందరినీ ఆకట్టుకుంటూ మ్యూజిక్ లవర్స్ ని ఇంప్రెస్ చేస్తూ మంచి వ్యూస్ అందుకుంటుంది. దేవి శ్రీ ప్రసాద్ కంపోజ్ చేసిన ఈ లవ్ సాంగ్ కి శ్రీమణి లిరిక్స్ అందించాడు.

దేవి అదిరిపోయే ట్యూన్ కి అదే రేంజ్ లో లిరిక్స్ అందించాడు శ్రీమణి. ముఖ్యంగా లవ్ ఫీల్ క్యారీ అయ్యేలా శ్రీమణి రాసిన కొన్ని లైన్స్ యూత్ ని బాగా ఆకట్టుకుంటున్నాయి. ప్రస్తుతం ఈ సాంగ్ సినిమాలో ఆశిష్- అనుపమ మధ్య ఉండే లవ్ ట్రాక్ పై అంచనాలు పెంచేలా ఉంది. లిరికల్ సాంగ్ లో వచ్చే రొమాంటిక్ విజువల్స్ కూడా ఎట్రాక్ట్ చేశాయి. సింగర్ జస్ ప్రీత్ సింగింగ్ కూడా సాంగ్ కి స్పెషల్ అట్రాక్షన్ గా నిలిచింది.

• Radheshyam teaser date out

శ్రీ వెంకటేశ్వర క్రియేషన్స్ బేనర్ పై దిల్ రాజు , శిరీష్ సంయుక్తంగా నిర్మిస్తున్న ఈ సినిమాకు హర్ష  కొనుగంటి దర్శకుడు. 'హుషారు' లాంటి యూత్ ఫుల్ సినిమాతో దర్శకుడిగా పరిచయమైన హర్ష నుండి వస్తున్న సినిమా కావడం పైగా దిల్ రాజు బేనర్ నుండి వస్తున్నా యూత్ ఫుల్ సినిమా కావడంతో ఈ సినిమాపై మంచి అంచనాలున్నాయి.