రామ్ చరణ్, ఎన్టీఆర్ హీరోలుగా నటిస్తున్న RRR Movie కోసం అంతా ఈగర్ గా వెయిట్ చేస్తున్నారు. ఇప్పటికే చాలా ఆలస్యమైన ఈ ప్రాజెక్టు త్వరలోనే ఓ కొలిక్కి రాబోతోంది. ఈ మూవీ షూటింగ్ కు సంబంధించిన అప్ డేట్స్ ను స్వయంగా నిర్మాత డీవీవీ దానయ్య బయటపెట్టారు.

RRR సినిమాకు సంబంధించి 2 పాటల చిత్రీకరణ మాత్రమే పెండింగ్ ఉందని ప్రకటించాడు దానయ్య. అందులో ఒకరి తారక్ - చరణ్ లపై షూట్ చేయాల్సిన ఫ్రెండ్ షిప్ సాంగ్.. మరొకటి చరణ్ - ఆలియా భట్ లపై చిత్రీకరించాల్సి రొమాంటిక్ సాంగ్. జూన్ చివరి వారంలో ఈ షెడ్యూల్ ప్రారంభించి, వీలైనంత తొందరగా పెండింగ్ వర్క్ పూర్తిచేస్తామని ప్రకటించారు దానయ్య.

మరోవైపు ఆర్ఆర్ఆర్ విడుదల తేదీపై మరోసారి రూమర్లు మొదలయ్యాయి. గతంలో యూనిట్ ప్రకటించినట్టుగా అక్టోబర్ లో ఈ సినిమా రిలీజ్ అవ్వడం దాదాపు అసాధ్యమనే విషయం తేలిపోయింది. అలా అని కనీసం వచ్చే ఏడాది సంక్రాంతికి కూడా వచ్చే ఛాన్స్ లేదంటున్నారు కొంతమంది. అన్నీ అనుకున్నట్టు జరిగితే వచ్చే ఏడాది సమ్మర్ కు ఆర్ఆర్ఆర్ థియేటర్లలోకి వస్తుందని చెబుతున్నారు.

• RRR మూవీ స్టిల్స్

ప్రపంచవ్యాప్తంగా విడుదల కానున్న 'RRR' మూవీకి సంబంధించిన 10 భాషల బిజినెస్ ఆల్రెడీ జరిగిపోయింది. ఇండియన్ సినిమా ఇండస్ట్రీలోనే భారీ ప్రీ రిలీజ్ బిజినెస్ చేసిన చిత్రంగా ఆర్ఆర్ఆర్ నిలిచింది. ఈ చిత్రానికి కీరవాణి సంగీతం సమకూరుస్తున్నారు. సెంథిల్ కుమార్ సినిమాటోగ్రఫీ అందిస్తున్నారు. దాదాపు 450 కోట్ల రూపాయల బడ్జెట్ తో తెరకెక్కుతున్న ఈ సినిమాలో అజయ్ దేవరగన్, శ్రియ ఇతర కీలక పాత్రలు పోషిస్తున్నారు.

ఈ సినిమాలో అల్లూరి సీతారామరాజుగా రామ్ చరణ్, కొమరం భీమ్ గా ఎన్టీఆర్ కనిపించబోతున్నారు. సీత పాత్రలో అలియాభట్ కనిపించనుంది.

• - Follow us for Latest Telugu Zee Cinemalu News and upcoming trending stories, Gossips, Actress Photos and Special topics