#Prabhas25 – Prabhas with Sandeep Reddy Vanga
Wednesday,October 06,2021 - 05:53 by Z_CLU
రెబల్ స్టార్ ప్రభాస్ ప్రస్తుతం వరుస ప్రాజెక్ట్స్ తో బిజీ గా ఉన్న సంగతి తెలిసిందే. ఒకేసారి మూడు సినిమాలతో షెడ్యుల్ ప్యాక్ చేసుకున్న ప్రభాస్ మరో రెండు భారీ ప్రాజెక్ట్స్ కూడా ఫైనల్ చేసేసుకున్నాడు. అవును #Prabhas25 సినిమా ఎనౌన్స్ మెంట్ త్వరలోనే రాబోతుంది. ఇప్పటికే మేకర్స్ నుండి హింట్ కూడా వదిలారు. ఆ సినిమాను అర్జున్ రెడ్డి ఫేం సందీప్ రెడ్డి వంగాతో ఉంటుందని ప్రచారం జరుగుతుంది.
'అర్జున్ రెడ్డి' తర్వాత సందీప్ చాలా గ్యాప్ తీసుకున్నాడు. మధ్యలో హిందీలో అర్జున్ రెడ్డి రీమేక్ ఒకటి మాత్రమే చేసుకొచ్చాడు. కానీ స్టార్ హీరోల్లో కొందరికి కథలు వినిపించాడు. 'అర్జున్ రెడ్డి' సెన్సేషనల్ హిట్టయిన తర్వాత మహేష్ , చరణ్ లు సందీప్ తో సినిమా చేయాలనుకున్నారు. కానీ ఎందుకో కుదరలేదు. ఇక రీసెంట్ గా ప్రభాస్ ను కలిసి ఓ స్క్రిప్ట్ వినిపించి గ్రీన్ సిగ్నల్ అందుకున్నాడట సందీప్. త్వరలోనే ఈ కాంబో సినిమా గురించి ఎనౌన్స్ మెంట్ రాబోతుంది.
రాధాకృష్ణ దర్శకత్వంలో తెరకెక్కుతున్న 'రాథేశ్యామ్' సినిమా ప్రభాస్ కి 20వ సినిమా. ఈ లెక్కన చూసుకుంటే 'సలార్' 21 కాగా 'ఆదిపురుష్' 22, నాగ్ అశ్విన్ సినిమా 23 అవుతుంది. ఇక 24 వ సినిమాను బాలీవుడ్ లో ఓ డైరెక్టర్ తో ప్లాన్ చేసుకుంటున్నాడు. ఇప్పటికే ఆ సినిమాకు సంబంధించి డిస్కషన్స్ మొదలయ్యాయి. త్వరలోనే ఆ సినిమా అప్ డేట్ కూడా రానుంది. ఆ సినిమాతో పాటే సందీప్ రెడ్డి వంగా సినిమాను కూడా సెట్స్ పైకి తీసుకొచ్చే ఆలోచనలో ఉన్నాడు రెబెల్ స్టార్. ఇక ఈ సినిమాను నిర్మించనున్న నిర్మాత ఎవరనేది తెలియాల్సి ఉంది. మరి ఈ ప్రాజెక్ట్ కి సంబంధించి పూర్తి డీటెయిల్స్ తో ఎనౌన్స్ మెంట్ వస్తుందా ? లేదా కేవలం కాంబో మాత్రమే ప్రకటిస్తారా ? చూడాలి. ప్రస్తుతం ప్రభాస్ కమిట్ అయిన మూడు సినిమాలు జెట్ స్పీడులో ఫినిష్ చేసే ప్లానింగ్ లో ఉన్నాడు.
- - Follow us for Latest Telugu Zee Cinemalu News and upcoming trending stories, Gossips, Actress Photos and Special topics