Niharika Konidela Pre Wedding Celebrations with Mega Family

మెగా డాటర్ నిహారిక కొణెదల పెళ్లికి కౌంట్ డౌన్ స్టార్ట్ అయింది. డిసెంబర్ 9న సాయంత్రం 7 గంటల 15 నిమిషాలకు నిహారిక-చైతన్య జొన్నలగడ్డ పెళ్లి జరగనుంది. పెళ్లికి సంబంధించి ఇప్పటికే రాజస్థాన్ లోకి ఉదయ్ పూర్ లో ఉన్న ఉదయ్ విలాస్ రిసార్ట్స్ లో ఏర్పాట్లు పూర్తయ్యాయి.

ఈ పెళ్లికి సంబంధించి వెడ్డింగ్ కార్డ్ ప్రస్తుతం సోషల్ మీడియాలో వైరల్ అవుతోంది. రాయల్ లుక్ ఇస్తూ డిజైన చేసిన ఈ వెడ్డింగ్ కార్డు చూడ్డానికి చాలా రిచ్ గా ఉంది. ఇప్పటికే అందరికీ ఆహ్వానాలు అందిపోయాయి. కేవలం కుటుంబ సభ్యులు మాత్రమే ఈ పెళ్లికి వెళ్తున్నారు.

మరోవైపు Niharika Pre-Wedding Celebrations ప్రారంభమైపోయాయి. ఇప్పటికే తన క్లోజ్ సర్కిల్స్ కు వరుసగా పార్టీలు ఇస్తున్న నిహారిక.. ఇప్పుడు తన కుటుంబ సభ్యులందరితో కలిసి ఉదయ్ పూర్ చేరుకుంది.

మెగా ఫ్యామిలీ సభ్యులందరికీ నిహారిక-చైతన్య కలిసి పెద్ద పార్టీ ఇచ్చారు. ఆ స్టిల్స్ ను చైతన్య సోషల్ మీడియాలో పోస్ట్ చేశాడు. ఈ బ్యాచ్ లో కాబోయే భార్యభర్తలతో పాటు.. వరుణ్ తేజ్, అల్లు శిరీష్, అల్లు అర్జున్ భార్య స్నేహారెడ్డి, సుశ్మిత, శ్రీజ, కల్యాణ్ దేవ్, బన్నీ వాస్ తదితరులు ఉన్నారు.

డిసెంబర్ 9న పెళ్లి తంతు పూర్తయిన వెంటనే అంతా హైదరాబాద్ చేరుకుంటారు. లేటెస్ట్ అప్ డేట్ ప్రకారం.. 11వ తేదీన సిటీలోని జేఆర్సీ కన్వెన్షన్ హాల్ లో గ్రాండ్ రిసెప్షన్ ఏర్పాటుచేశారు.