Krithi Sanon fixed as Sita in ‘Adipurush’?

ప్రభాస్ రాముడిగా సైఫ్ అలి ఖాన్ రావణుడిగా నటించనున్న'ఆదిపురుష్' సినిమాలో సీత పాత్రకు ఇంకా హీరోయిన్ ఫైనల్ అవ్వలేదన్న సంగతి తెలిసిందే. అయితే లేటెస్ట్ అప్డేట్స్ ప్రకారం సినిమాలో సీత పాత్రకు కొందరు హీరోయిన్స్ ఫైనల్ చేశారట మేకర్స్. ఆ లిస్టు నుండి తాజాగా కృతి సనన్ ని సెలెక్ట్ చేశారని సమాచారం.

మహేష్ బాబు '1' సినిమాతో టాలీవుడ్ కి  హీరోయిన్ గా పరిచయమైంది కృతి. ఆ తర్వాత నాగ చైతన్యతో 'దోచేయ్' చేసింది. ఆ రెండు సినిమాలతో  టాలీవుడ్ ఆడియన్స్ కి సుపరిచితురాలైన ఈ బాలీవుడ్ బ్యూటీతో సీత పాత్ర చేయిస్తే బాగుంటుందని మేకర్స్ అభిప్రాయ పడ్డారని తెలుస్తుంది.

టీ-సిరీస్ మూవీస్ బేనర్ పై పాన్ ఇండియా మూవీగా తెరకెక్కుతున్న ఈ సినిమా షూటింగ్ ఇటివలే మొదలైంది. త్వరలోనే ఈ షూట్ లో ప్రభాస్ తో పాల్గొననున్నాడు.